موظف سعيد...الإدارة المبدعة

وأنا أتابع أولى حلقات مسلسل "ضمير أبلة حكمت" مع الأسرة , وأنا أحاول أن أنتقي أفضل الأعمال

الدرامية والتي لديها رسالة إنسانية رائعة, بعيدا عن الإسفاف والانحطاط الأخلاقي الذي يفرض علينا

فرضا لإفساد عقيدتنا...والحمدلله فقد حذفت كل قنوات الفساد من الريسيفر عندي, حتى أستطيع تربية 

بناتي , وتنشئتهم على عقيدة سليمة بعيدا عن عقيد ة أهل الفسق والفجور

كنت أتابع المسلسل وأعجبني تصرف "فاتن حمامة" أو أبلة حكمت عندما رفضت الذهاب لاجتماع 

مع المحافظ , لأنه في وقت وجودها في المدرسة , مما ألجأ المحافظ لتغيير موعد الاجتماع

أقارن هذا بما يحدث من معظم الإدارات في عالمنا العربي باهتمامها بالمسؤولين على حساب

فريق العمل ,والجمهور... واهتمامهم هذا نابع من شعورهم بأن من من عليهم بالكرسي والمنصب

هم المسؤولين (الناس اللي فوق مش الناس اللي تحت)   

وإليكم هذا الحوار الراقي لأبلة حكمت مع المحافظ وهم في اجتماع لتحضير المدرسة لاستقبال

وزير التربية والتعليم ومعه ضيوف أجانب:

أبلة حكمت: هنستقبل سيادة الوزير وضيوفه في أي لحظة دون تحضيرات 

المحافظ : كده من غير استعداد

أبلة حكمت: زي إيه

مدير العلاقات العامة: تجميل المدرسة وشارعها, توضيب الفصول, إعداد فريق من البنات 

لاستقبال الضيوف, تهيئة طاقم التدريس بالمظهر اللائق

أبلة حكمت للمحافظ:" أنا مش موافقة حضرتك على كلام مدير العلاقات العامة...اعملوا اللي

انتوا عايزينه في إسكندرية كلها , لغاية سور مدرستي بعد كده أنا المسؤولة عن أي تحضيرات

لاستقبال الضيوف...تأكد تماما إن مدرستنا هتستقبل الوزير بشكل ناجح وطبيعي وواقعي جدا

المدرسة نضيفة فعلا واحنا حريصين على تجميلها عشان تكون جميلة في عينينا وعينين البنات

اللي بيتعلموا عندنا , كل فصل عندنا صالح للزيارة في أي وقت, كلنا في المدرسة حريصين

على مظهر طبيعي...وكمان أنا مش هعمل فرق ترحيب ولا هعطل سير الدراسة

أنا والوكلا وبعض المدرسين هنستقبلهم , وفي الآخر هعزمهم على شاي عندي في المكتب"

-

-

-المدرسة نضيفة فعلا واحنا حريصين على تجميلها عشان تكون جميلة في عينينا وعينين البنات

اللي بيتعلموا عندنا- ليه ميكونش ده مبدأ للإدارات .

وأنا من باب موقعي كطبيب في مستشفى حكومي أتساءل: لماذا لا تهتم إدارات المستشفيات بالمريض

وفريق العمل؟؟؟؟ وتحرص يوميا على أن تكون المستشفى جميلة ونظيفة وميسورة الخدمات للمريض

لماذا لا يكون استقبالنا للمريض أهم من استقبالنا للضيوف الكبار المسؤولين؟؟؟؟